Maxfiylik siyosati

Ushbu siyosat Andozachi.uz veb-sayti va uning mobil ilovasi (birgalikda — «Xizmat») foydalanuvchilar haqidagi qanday ma'lumotlarni qayta ishlashini tushuntiradi.

1. Shaxsiy ma'lumotlar

Xizmatdan foydalanish uchun ro'yxatdan o'tish talab qilinmaydi. Biz ism, telefon raqami, elektron pochta, joylashuv, kontaktlar, fotosuratlar yoki boshqa shaxsiy ma'lumotlarni so'ramaymiz va yig'maymiz.

2. Andoza o'lchamlari

Andoza chizish uchun kiritilgan tana o'lchamlari faqat qurilmangizning o'zida, brauzer ichida hisoblanadi. Ular serverga yuborilmaydi va saqlanmaydi.

3. Anonim tashriflar statistikasi

Qaysi sahifa va andozalar ko'proq o'qilishini bilish uchun Xizmat tashriflarni sanaydi. Bunda quyidagilar yoziladi: tashrif vaqti, ochilgan sahifa, o'tib kelingan tashqi sayt manzili (agar bo'lsa) va bir tomonlama xesh-kod. Xesh IP manzil, brauzer turi va joriy sanadan hosil qilinadi. IP manzilning o'zi saqlanmaydi. Xesh har kuni o'zgargani uchun bir foydalanuvchini kunlar bo'ylab kuzatib bo'lmaydi. Bu ma'lumotlar uchinchi shaxslarga berilmaydi va reklama uchun ishlatilmaydi.

4. Cookie va qurilmadagi saqlash

Sayt ishlashi uchun zarur bo'lgan texnik sessiya cookie fayli ishlatiladi. U brauzer yopilganda o'chadi. Maqolalarni o'qishda tanlangan yorug'/qorong'i mavzu qurilmangizda (localStorage) eslab qolinadi. Ilova avval ochilgan sahifalarni internetsiz ko'rsatish uchun ularni qurilmada keshlaydi. Bu ma'lumotlar bizga yuborilmaydi.

5. Uchinchi tomon xizmatlari

Shriftlar Google Fonts xizmatidan yuklanadi. Bunda brauzeringiz Google serverlariga murojaat qiladi va Google IP manzilingizni ko'rishi mumkin (Google maxfiylik siyosati). Xizmatda reklama, reklama identifikatorlari yoki tashqi analitika tizimlari ishlatilmaydi.

6. Ma'lumotlar xavfsizligi

Xizmat bilan barcha aloqa shifrlangan HTTPS ulanishi orqali amalga oshiriladi.

7. Bolalar

Xizmat ta'limiy maqsadda yaratilgan. Biz bolalar haqida ham, kattalar haqida ham shaxsiy ma'lumot yig'maymiz.

8. Ma'lumotlarni o'chirish

Xizmatda foydalanuvchi hisobi yo'q, shuning uchun o'chirishni talab qiladigan shaxsiy ma'lumot ham saqlanmaydi. Qurilmadagi keshni ilova sozlamalaridan («Ma'lumotlarni tozalash») yoki brauzer sozlamalaridan o'chirishingiz mumkin.

9. O'zgarishlar va aloqa

Siyosat o'zgarsa, yangi tahriri shu sahifada e'lon qilinadi. Savollar bo'lsa, bizga yozing: info@andozachi.uz.